di Laura La Sala
Rocca di Marine' ricca ti lassu, nun sulu lu me amuri li me versi…
Ti lassu lu me cori, la me genti, ca spissi voti avi la vita fatta di nenti. Ma quannu vaiu fora e po’ ritornu un suspiruni nesci di lu pettu. Si l'ossiginu e m'arripìgghiu, comu si mi mancassi aria suli e mari. Si comu na matri: cummogghi li mancanzi, oddii rancura, lacrimi ca nescinu di lu funnu di lu cori. Mi pari un liuni abbrancicuni prontu a nesciri l'ugna. Proteggi lu to locu, la to genti. Ti lassu ricca di orgogliu e sintimenti.
