Chi pena nta chidd'ura...

Diu vi salvi, o Regina,
o mari di duluri,
chi pena Simiuni
quannu vi dissi!
Chi pena Simiuni
quannu vi dissi!
Lu cori vi trafissi
cu 'na lanciata forti
quannu a Gesù la morti
prufitizzau!
Quannu a Gesù la morti
prufitizzau!
Oh chi duluri pruvau
Erò Gesù circannu
'n Egittu viaggiannu,
o gran Signura.
'N Egittu viaggiannu,
o gran Signura.
Chi pena nta chidd'ura
c'a Gesù avìa smarritu
e cu' cori firitu
ia circannu!
E cu' cori firitu
iva circannu!
Oh chi duluri e affannu,
'ncuntrà Gesù, Maria,
cu 'na gran cumpagnia
sutta la Cruci.
Cu 'na gran cumpagnia
sutta la Cruci.
'N'agneddu senza vuci
'nta gran duluri e peni
a lu so caru Beni
vitti muriri.
A lu so caru Beni
vitti muriri.
Cu 'na lancia firiri
a lu so Beni amatu
lu sagru custatu
vitti grapiri.
Lu sagru custatu
vitti grapiri.
Poi lu vitti scinniri
di la Cruci schiantatu
nta li vrazza pusatu
l'appi Maria.
Nta li vrazza pusatu
l'appi Maria.
E a sippillirlu ia
cu pocu accumpagnatu
seportu l'ha lassatu
a lu so Beni.
Seportu l'ha lassatu
a lu so Beni.
Deh, pi li vostri peni
a nui dati, Maria,
pi vostra curtisia
lu Paraddisu.
Pi vostra curtisia
lu Paraddisu.
Unni cu gioia e risu
cantamu in armunia
viva viva Maria
l'Addulurata!
Viva viva Maria
l'Addulurata!