di Laura La Sala
MARINEO. Si fussi un pitturi / Tincissi cu un pinseddu / l’universu.
Cu ancili e santi / Animi ca campàru / Nta ogni gnunidda / di munnu / L’invisibili / Manifistarìsi / N'menzu a nuàtri / Vermi di terra / Armi santi / Oramài inesistenti / All’occhiu vivu di l’omu / Di la terra / Li vulissi vidìri / Svulazzari / Comu farfalli di svariàti culura / Tra celi azzurri / Veloci comu la luci / N’carni e spiritu: / sentìri, miludiì, /ciauru di ciuri / sparsi pi l’aria / e soni di viulini / E’ sulu un sugnu / Di eternu picciriddu: / Nun sacciu pittari un quatru / Nun haiu mancu un pinseddu / Sulu la me fantasia / Ca porta via, li me pinseri…
Nessun commento:
Posta un commento