La settimana santa a Marineo

Lu lunnidi accumencianu li chianti
E duranu pi tutta la simana;
Lu martidì sunnu li passi santi;
Lu mèrcuri è la santa quarantana.

Lu jòvidi di lignu è la campana,
Lu vènniri muriu nostru Signuri;
Lu sabatu Maria sparma lu mantu,
Duminica Gesù Cristu ncelu torna.

Ora parramu di lu santu lunidi,
Ca na jurnata chi vinni immortali;
L'armuzzi santi stannu a dinucchiuni
Davanti nostru Diu cilistiali.

E po lu criaturi ‘n perfettu amuri,
Un havi paura di nessunu mali;
Si bbo lu paradisu peccaturi
Cristu ti darà li cincu chiai.

Ora parramu di lu santu martidi
Maria santa a tutti nni cummetti
Trova 'na cassettina in quelle parti
a spalla la portaron due vecchietti

O piccaturi, nun sicutari l'arti
Stai vigghianti stai cu l'occhi aperti
Cristu a lu munnu nni vosi la parti
Ncelu nn'aspetta cu li vrazza aperti